Profesorado

Nado en 1992 en Tui, onde comeza os seus estudos musicais aos 11 anos na Escola Municipal de Música de Tui da man de Adolfo Besada Álvarez e Daniel Gregores. Aos 12 anos ingresa na Banda de Música Popular de Tui, onde foi trombón solista desta agrupación.

En 2007 accede ao Conservatorio Profesional de Música de Tui para continuar a súa formación baixo a tutela do profesor Adolfo Besada Álvarez. No ano 2013 obtén o Título de Grao Profesional na especialidade de Trombón.

En 2014 comeza os estudos superiores no Conservatorio Superior de Música de Vigo cos profesores Jesús Vicente Monzó e José Pons Boils. Tres anos máis tarde, accede ao Conservatorio Profesional de Música de Tui a 4o curso na especialidade de Bombardino.

No ano 2018 obtén o Título Superior na especialidade de Trombón. Ese mesmo ano comeza a impartir clases na Escola de Música de Chapela, na Escola da Banda de Música Popular de Tui, da que é director do centro, e na Associação Musical de S. Pedro da Torre. Ao ano seguinte remata os estudos no Conservatorio Profesional de Música de Tui, obtendo o Título de Grao Profesional na especialidade de Tuba.

Colabora de forma continuada con distintas agrupacións musicais da comunidade, así como con bandas do norte de Portugal. Ademais, formou parte do grupo de metais Faíscas de Tui, do quinteto de metais Ibericbrass e de The Magicmetals, sendo fundador destes dous últimos. Colaborou tamén coa Orquestra Sinfónica Vigo 430 e coa Orquestra Clásica de Vigo. Participou en gravacións de CDs, programas radiofónicos e distintos concursos, obtendo a primeira mención de honra e un segundo premio no II e III Concurso de Música de Cámara do CSMVigo.

No ámbito educativo, realizou cursos sobre educación emocional para docentes, aplicación de ferramentas dixitais na innovación educativa, musicoterapia, e Técnica Alexander, entre outros. Tamén recibiu clases de trombonistas de renome nacional e internacional como Thomas Horch, Daniel Portas, José Pardal, Severo, Esteban Méndez, Andrea Conti, Jon Etterbeek, Rimantas Valancius, Santiago Blanco e Filipe Alves, entre outros. No campo da dirección, formouse con David Fiuza Souto, Javier Viceiro e Xoán Lois Diéguez. Tamén impartiu unha masterclass de trombón en Covilhã, Portugal.

En 2019 asumiu a dirección da Banda de Música Popular de Tui. Desde ese mesmo ano, é membro activo da Escola Galega de Dirección. No ano 2020 obtivo o Máster en Xestión Cultural na UOC e no ano seguinte completou o Máster de Profesorado de Educación Secundaria Obrigatoria na especialidade de Música.

Desde marzo de 2021, realiza a súa tese de doutoramento titulada “La Banda de Música Popular de Tui” na USC, baixo a dirección de Francisco Javier Garbayo Montabes. Nese mesmo mes, asumiu a dirección da Agrupación Musical de S. Pedro da Torre, en Valença. Desde este mesmo ano, é profesor de trombón na Escola/Conservatorio Profesional de Tui. Ademais, colaborou dirixindo outras agrupacións como a Banda de Música de Salvaterra do Miño e realizando substitucións en centros de educación secundaria.